2009牛年心事──讀李勤岸「認命牛」同感
2009牛年心事 ──讀李勤岸「認命牛」同感
牛就是牛，
荷蘭人來，是牛，
鄭成功來，是牛，
施琅來，嘛是牛。
牛還是牛，
東京ㄟ人來，是牛，
南京ㄟ人來，是牛，
尚介驚，北京ㄟ人嘛馬來！
主人一直打，
主人一直換，
猶原是，
犁水田、拖牛車，
惦惦不敢講心聲。
甘是按呢？
只要有田犁，
只要有草吃，
就會感覺足快樂？
就會感覺足幸福？
感謝天公伯！
牛嘛有尖尖ㄟ牛角，
牛嘛有做牛ㄟ反抗權利，
牛嘛有做牛ㄟ尊嚴跟願望，
想講已經出頭天，
不免擱驚主人打，
不免擱做惦惦牛，
打拚犁田攏甘願。
尚介驚！
擱馬給人出賣去北京，
尚介驚！
擱換北京ㄟ人馬來，
尚介驚！
擱馬繼續做一隻
惦惦ㄟ犁田牛！
感謝天公伯
牛還有尖尖ㄟ牛角，
牛還有做牛ㄟ反抗權利，
牛還有做牛ㄟ尊嚴跟願望，
頭累累，總是要做一隻
有牛角ㄟ牛！